Etiqueta: portada

Sálvora recupera a Cruz en memoria das vítimas do Santa Isabel

O Parque Nacional das Illas Atlánticas procedeu á recuperación da Cruz en lembranza do agregado e das vítimas do vapor-correo Santa Isabel, afundido o 2 de xaneiro de 1921 e no que morreron 213 persoas, sendo o terceiro naufraxio en números de falecidos dos naufraxios civís galegos e o quinto dos acontecidos nas costas do noso país.

Este 27 de xullo de 2021, fai 100 anos da colocación dun mauseleo -monumento cunha placa dedicada ao mozo Carlos Verdier e Escobar, e a todos aqueles que faleceron no naufraxio do Vapor Santa Isabel na madrugada do dous de xaneiro de 1921.

Monumento en memoria das vítimas do Santa Isabel recuperada polo parque Nacional das Illas atlánticas no centenario da súa colocación 27 de xullo de 1921

A placa, foi colocada polos pais de Carlos Verdier y Escobar e autorizada o 10 de outubro dese mesmo ano por orden do Ministerio de Fomento, previa petición de Victoriano Verdier, pai do rapaz, xefe de sección na delegación gaditana da Compañía Trasatlántica. Tamén está dedicada a todos os falecidos neste tráxico naufraxio:

“AL JOVEN

Don CARLOS VERDIER Y ESCOBAR

AGREGADO QUE DESAPARECIO EN EL

NAUFRAGIO DEL VAPOR SANTA ISABEL

A A LA MEMORIA DE LAS DEMAS DESGRACIADAS

VICTIMAS DE DICHO SINIESTRO

OCURRIDO EN ESTAS AGUAS

EN LA MADRUGADA DEL 2 DE ENERO DE 1921

DEDICAN ESTE RECUERDO

LOS DESCONSOLADOS PADRES

DE CARLITOS

CADIZ, 27 DE JULIO DE 1921″

Carlitos como era coñecido entre os seus compañeiros, era natural de Cádiz e contaba 16 anos, era a súa primeira viaxe, tiña o cargo de agregado, xunto a Carlitos tamén faleceron todos os integrantes do bote número 6, entre os que se atopaba o radiotelegrafista e todos os ocupantes do bote. O mozo sempre quixo navegar xa que os eu pai o fixera durante anos en buques da Compañía, onde era moi querido e estimado.

O entusiasmo amosado por Carlos Verdier entre os seus compañeiros, fixo que estes lle chamaran cariñosamente Carlitos; o infortunado mozo foi un dos primeiros en falecer , xa que o primeiro bote salvavidas que logrou saír do vapor, onde iría, o número 6, esnaquizouse contra as rochas morrendo tódolos seus ocupantes.

Os pais do rapaz visitarían despois a zona, onde erixirían un monumento na súa memoria, monumento que aínda hoxe existe e que acaba de ser rehabilitado polo parque Nacional das Illas Atlánticas.

Este monumento recolle todas as sensibilidades da época cara a este tráxico accidente.

Traballadores do Paque Nacional das Illas Atlánticas, encargados de recuperala Cruz en memoria das vitimas do Santa Isabel 20210727

Arrancan os actos do centenario do Santa Isabel o “Titanic galego”

Este sábado día 2 de xaneiro cúmprense os 100 anos do afundimento do vapor-correo Santa Isabel nos baixos da Illa de Sálvora. No naufraxio acontecido á 1.50 da madrugada, morreron 213 persoas e salvaronse 53. É o naufraxio mais importante en número de vítimas civis do século XX e a prensa da época chamouno “O titanic galego”.

“O Barbanza” a nosa publicación mensual publicou no seu último número de decembro un amplo reportaxe gráfico e infografía no que se narra de xeito breve a historia do naufraxio e o acontecido aquela tráxica madrugada.

Pode leerse ou descargarse desde o enlace O Barbanza 16-17

ACTOS INSTITUCIONAIS Pola súa banda o Concello de Ribeira empeza a desenvolver diversos actos que se alongarán durante todo o ano 2021.

A xornada inicial será este día 2, no que se procederá ás 13,30 horas á inauguración da exposición “Bravura. Cen anos do naufraxio do Santa Isabel” que durante todo o ano estará no Museo Municipal de Ribeira.

Previamente a parroquia celebrará unha misa funeral na Igrexa Parroquial ás 12 .30 de mañá en memoria das 213 persoas que perderan a vida no naufraxio.

Debido á situación de pandemia tanto o acto relixioso como a inauguración da mostra estará limitada en asistencia de público. A mostra abrirase a partir do luns e será de acceso libre.

Os visitantes do Museo Municipal recibirán un exemplar da edición especial en formato tabloide que como si fora un xornal de principios do século XX, pasa revista a historia do naufraxio, a mostra do que se pode ver na exposición, o papel do segundo heroe do Santa Isabel, Luis Cebreiro, e a reproducción dun artigo de Lustres Rivas e dunha folla do caderno manuscrito “Las mugeres de Sálvora. Tragedia griega” de Valle-Inclán que non chegou a ser realidade.

A milla solidaria Heroínas de Sálvora

Paralelamente a este acto celebraraes a milla solidaria Heroínas de Sálvora que será en formato virtual. A iniciativa que se celebra por segundo ano lembra ás mulleres de Aguiño que o 2 de xaneiro de 1921 fixéronse ao mar para salvar aos sobreviventes de naufraxio do Santa Isabel, unha iniciativa organizada pola concellería de Deportes do Concello de Ribeira .

Este 2021 será diferente, xa que a pandemia obrigou aos promotores a optar por unha versión virtual, polo que cada persoa poderá saír os días 2 e 3 para completar o percorrido que considere máis oportuno. Todo o recadado irá destinado á Fundación Faiben. Os interesados en participar deben apuntarse a través da páxina web www.galitiming.com. O custo de anotación por persoa é de cinco euros.

Segue a polémica da B e da V no topónimo de Santa Uxía

O pasado 26 de abril recollíamos un artigo escrito en El Correo Gallego do doutor en filoloxía clásica José Manuel Pérez Fernández, doutor en filoloxía clásica sobre o uso da “B” ou da “V” na parroquia de Santa Uxía de Ribeira. El defendia a V.

Hoxe o xornal compostelán publica outro artigo neste caso de Antón Santamarina, coordinador do seminario de onomástica da RAG, neste caso defende a B.

El Correo Gallego, domingo 24 de maio de 2020

Arxentina estrenou “A Illa das mentiras” baseado no naufraxio do Santa Isabel. Podemos ver o trailer oficial

O “Instituto Nacional de Cine e Artes Cinematográficos” de Argentina estrenou este xoves na súa plataforma baixo demanda Online “cine.ar”, o triller “A illa das mentiras” un film que usa como base argumental o naufraxio do vapor-correo Santa Isabel.

A película desenvolve a historia na Illa de Sálvora, aínda que está gravada en Muros, O Grove, Santiago, Arzúa e Oza dos Rios amais de en Ribeira. Trátase dunha historia escrita pola directora da película Paula Cons. O film conta con Nerea Barros, Dario Grandinetti e Aitor Luna como actriz e actores principais.

Trailer oficial da película “A illa das mentiras”

Aínda que arranca en Sálvora durante o naufraxio, o argumento é unha ficción novelada que non narra os feitos reais do acontecido aínda que os usa como referencia.

Baixo o título “La isla de las mentiras: secretos y mentiras en Galicia”, o diario “La Nación” de Bos Aires fai nun artigo unha análise da película estrenada este xoves pola noite:

Paula Cons incursiona en la ficción con una historia ambientada a principios de enero de 1921 en la isla de Sálvora, en Galicia. Los hombres de la comunidad se habían marchado poco antes al continente siguiendo una antigua tradición y, en medio de una espesa niebla, el Santa Isabel -un vapor con destino a Buenos Aires y 256 personas a bordo- naufraga y se termina hundiendo frente a las rocosas costas de la zona“.

Promo de estreno da película “La Isla de las Mentiras” en la plataforma “Cine.Ar”

Tamén a web “Escribiendo de cine” analiza a película baixo o título “mujeres de la historia”.

Cun guión feito pola directora da película Paula Cons, quen fixo declaracións O Barbanza, retrasou o seu estreno en España previsto para o día 29 de maio pola situación de alerta sasnitaria.

“A propósito de Ribeira”, artigo de José Manuel Pérez Fernández, doutor en filoloxía

El Correo Gallego publica este domingo 26 de abril no seu suplemento dominical ECG, un artigo do doutor en filoloxía clásica, José Manuel Pérez sobre o uso da “B” ou da “V” na parroquia de Santa Uxía de Ribeira.

O doutor pasa revista á evolución das distintas formas da escrita . A conclusión…… mellor leelo artigo.

O Museo do Gravado de Artes inicia unha serie de videos divulgativos para achegar ao público os seus fondos

Museo do Gravado de Artes (Ribeira)

O Museo do Gravado de Artes (Ribeira) vai realizar unha serie de videos divulgativos coa intención de facer chegar ao público visitas virtuais dos fondos do Museo. Comezá a divulgalas a semana que vén e desde O Barbanza teremosvos puntualmente informados dos mesmos.
Os videos que realizarán serán, entre outros, os seguintes:

  • GoyaCaprichos, Los desastres de la guerra, Tauromaquia, …
  • RubensObra selecta
  • Durero: Ouvre de …
  • Van DyckIconografía
  • Piranesi: Vedute e obra varia
  • Da Vinci: Distintos gravadores do Museo do Louvre
  • Fernando de Rojas: La Celestina: ilustrador Manuel Humbert Esteve
  • Calderón de la Barca: Las paredes oyen: ilustrador: Antoni Gelabert i Casas
  • Garcilaso de la Vega: Églogas: ilustrador Antoni Gelabert i Casas
  • Calderón de la Barca: El gran teatro del mundo, El gran mercado del mundo: ilustrador R. de Capmany i Montaner
  • Góngora: Fábula de Polifemo y Galatea: ilustrador Manuel Baeza
  • Quevedo: Vida del Buscón llamado Pablos: ilustrador Antonio Quirós
  • La historia del muy valiente y esforçado cavallero Clamades, hijo de Marcaditas, Rey de Castilla y de la linda Clarmonda, hija del rey de Toscana: ilustrador Joan Vila i Pujol (D’Ivori)
  • Cervantes: La Galatea: Ilustrada por Josef Ximeno y Carrera.
  • Cervantes: El Quijote e outras novelas e poesía: Ilustradas por gravadores do XVII, XVIII e XIX
  • Gravados da EncyclopédieDiderot e D’Alambert: gravadorBernard
  • Debuxos orixinais de Ignacio Hernández Suñer (Íñigo) que ilustra: El Quijote, Viaje al centro de la tierra, Simbad el marino, Veinte mil leguas de viaje submarino, Las mil y una noche
  • Piranesi: Vedute e obra varia
  • Toulouse-LautrecElles
Museo do Gravado de Artes (Ribeira)
© 2021: Riveira na memoria | Easy Theme by: D5 Creation | Powered by: WordPress