A historia do noso Concello (redaccion@riveira.eu 609 800 950 )

A historia do noso Concello (redaccion@riveira.eu 609 800 950 )

Fielato

now browsing by tag

 
 

1925 Riveira dique (Malecón)

O 23 de xuño de 1902 a comisión municipal de Riveira adxudicaba ante o notario da capital coruñesa a finca e ruínas do que fora noutrora Casa Consistoriall.

Don Pedro Celestino Porteiro sería o adxudicatario da mesma e por ela pagaría a cantidade de 15.075 pesetas (90,60 euros). A finca fora dividida en catro parcelas que ocupaban en total 528 metros cadrados.  A casa Consistorial situábase entre as rúas Romero Ortiz, Gravina (hoxe Rúa do Sal) e o malecón (na imaxe o final á dereita,  e actualmente ocupada pola Farmacia do Malecón, A Cuba e outro bar). A fotografia é da colección de postais editadas entre 1925 e 1930.

1925 riveira malecon wm©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

1940 Riveira porto

Esta espectacular fotografía de apenas uns cms de ancho no seu orixinal, ofrece unha imaxe do peirao e das fábricas existentes na época en Santa Uxía. En primeiro termo os tellados do secadeiro de bacallau de Colomer. Vense tamén as fábricas de Cardona e do Abadiño e en primeiro termo o edificio do “fielato”, onde se abonaban as taxas comerciais das mercadurias.

1940 Riveira porto. Arquivo Joferpa

©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

1914 Porto de Riveira

A imaxe corresponde a unha reproducción recollida por un album de fotos editado polo Círculo Mercantil e Industrial de Riveira en 1975, co gallo do seu 50 aniversario. É parte dunha colección de postais editado polo “Barato de Riveira”, Casa Baltar, establecemento ubicado na actual sede do BBVA na Praza de Otero Goyanes(ver 1914 Porta do Sol (Praza de Otero Goyanes) e que consta dun album dos anos dez de 1900 e que constaba dunhas 20 imaxes.

En primeiro termo á esquerda aparece o barco adega que se encargaba de traer mercadurias e vese lixeiramente o  fielato,  nome popular que recibían as casetas de cobro dos arbitrios e taxas municipais sobre o tráfico de mercancías, aínda que o seu nome oficial era o de estación sanitaria, xa que aparte da súa función recadatoria servían para exercer un certo control sanitario sobre os alimentos que entraban nas cidades. O termo fielato procede do fiel ou balanza que se usaba para a pesada

1914 Porto de Riveira

1914 Porto de Riveira

 

 

 

 

©riveira.eu. Si coñece algún outro dato sobre esta foto ou sobre o que se ve nela non dubide en comentalo ou escribir a “redaccion@riveira.info”.Grazas

 

1958 Fielato

Aínda que a vida de Riveira sempre estivo vinculada o mar, non sería ata 1801 cando se empezaría a construción do primeiro dique. O crecemento pesqueiro de Santa Uxía tería un pulo importante a partir do século XVIII, no que boa parte do mesmo tería moito que ver a chegada das familias cataláns e a construción das fábricas. Santa Uxía mantiña a sua relación comercial habitual por mar en concreto con Vilagarcía o porto por excelencia da ría.
A imaxe que traemos hoxe corresponde a finais da década dos cincuenta. No primeiro termo aparece o fielato, nome popular que recibían as casetas de cobro dos arbitrios e taxas municipais sobre o tráfico de mercancías, aínda que o seu nome oficial era o de estación sanitaria, xa que aparte da súa función recadatoria servían para exercer un certo control sanitario sobre os alimentos que entraban nas cidades. O termo fielato procede do fiel ou balanza que se usaba para a pesada.

A partir de 1961 o lugar onde estaba este servizo pasou a ser ocupado pola Axudantía de Mariña que con anterioridade se atopaba na primeira planta dun edificio situado na rúa Xeneral Franco, antiga rúa Venecia, e que no baixo contaba nos últimos anos coa sucursal dunha entidade bancaria, enfronte xusto do cruceiro da Virxe da Saúde no Castelo. AHM

Fielato Riveira finais dos anos 50

Fielato Riveira finais dos anos 50

©riveira.eu . Si coñece algún outro dato sobre esta imaxe ou sobre o que se ve nela non dubides en comentalo ou escribir a redaccion@riveira.eu. Grazas

© 2017: Riveira na memoria | Easy Theme by: D5 Creation | Powered by: WordPress