A historia do noso Concello (redaccion@riveira.eu 609 800 950 )

A historia do noso Concello (redaccion@riveira.eu 609 800 950 )

Prensa

now browsing by category

 

80 anos do asasinato de Lustres Rivas

Hoxe 10 de novembro cúmprense 80 anos do asasinato en 1936 en Redondela do xornalista e escritor José Manuel Antonio Lustres Rivas. Hoxe La Voz de Galicia edición Barbanza,  publica un artigo non que se recollen, moi resumidos, datos sobre o fillo predilecto de Riveira. Amais podedes ver mais datos noutra entrada dá nosa páxina sobre Lustres.

lustres-vg_barbanza_2016_11_10-72-72-1-001-recortado

Lustres Rivas o grande esquecido, o grande esquecido
——–
O chegar á universidade na década dos setenta, caeu nas miñas mans  “El primer Castelao”, de J.A.  Durán, unha obra de referencia obrigada naqueles estertores do réxime. Precisamente o meu achegamento á biografía do insigne rianxeiro permitiume descubrir o labor dun ribeirense que foi amigo, compañeiro de estudos e da súa traxectoria pública e do que non se falaba na vila ó ser unha vítima daquela nefasta época fratricida.
A principios de 1986, ano no que se cumprían cincuenta do seu asasinato, propuxen  nun artigo a necesidade de recuperar a súa figura e obra. Aquela iniciativa sería recollida polo noso Concello, hai que dicir que non sen certas reticencias inicias, e en novembro dese ano dedicóuselle a rúa da casa onde nacera e unha placa de lembranza, amais de nomealo fillo predilecto da cidade.
O último dos recoñecementos públicos realizábase hai apenas dous lustros, cando atinadamente o Concello decidiu poñerlle o seu nome ó centro cultural. E adiantamos xa aquí que a seguinte homenaxe terá lugar dentro duns días, cando o Concello faga a edición facsimilar da obra “Pandemonium”,  unha compilación dos artigos  e ensaios que o autor publicou en diversos medios da época.
Resumir neste artigo a súa traxectoria é materialmente imposible, polo que tratarei de salientar algúns aspectos da súa vida que nos sirvan para coñecer o personaxe que hoxe lembramos.
Hai que remontarse á pequena poboación que configura a Santa Uxía de finais do século XIX. Alí nacería José Manuel Antonio Lustres Rivas o martes 10 de xaneiro de 1888 na casa familiar da rúa  Venecia. Fillo do piloto de buque mercante José Lustres Gómez e de María Rivas Otero, Lustres faría os seus estudos de Bacharelato en Santiago, onde iniciaría Medicina, o que lle permitiría coñecer a Castelao, do que sería compañeiro e amigo. Lustres deixaría a carreira para dedicarse ás letras e desenvolvería unha intensa biografía, facendo o seu labor sobre todo no xornalismo, na política, na literatura e no debate das ideas.
En Compostela intégrase no histórico faladoiro do Café Colón, xunto a Castelao, Luis Villardefrancos, Ramón Garaboa e Javier Montero. E alí, na época de estudante, empezaría a súa traxectoria xornalística. En 1906 traballa xa en “El Miño de Orense” e  en 1907 en  “Galicia Nueva” e tamén na “Gaceta de Galicia”, que se editaba en Vigo. Deses tempos hai que salientar  a publicación de “Galicia  Moza”, pequeno folleto do que só saíron dous números en xaneiro de 1909. Precisamente nese ano escribiría a que foi a primeira loa a Castelao, “Los que triunfan”, título  do artigo publicado no número 1 da emblemática“Vida Gallega”. 
A súa versatilidade como autor  quedou de relevo coa publicación de novelas, obras de teatro, poesía e  ensaios, se ben a súa verdadeira vocación sempre foi o xornalismo.
 Participou activamente nos principais diarios galegos da época, como os xa citados, e máis tarde en “El Heraldo Gallego”, do que foi director varios anos; “La Crónica” de Vigo, o xornal “Galicia”  e o “Faro de Vigo”, do que foi  xefe de redacción. Tamén en Madrid en “España Nueva”,” La Jornada”, “El Liberal”, “El Sol” e na capital catalá en  “La Publicidad”.
 
Traxectoria Política
Iníciase no agrarismo e así en 1912 asina o “Manifesto de Ourense” de dirixe o voceiro deste movemento, “Acción Gallega”. Participa amais nas campañas de axitación ata que racha a súa relación con Basilio Alvarez,. Xa en 1917 intervén na fundación da Irmandade da Fala de Vigo e colabora con “A Nosa Terra” ata que marcha á Arxentina, onde dirixirá brevemente a revista “Céltiga”.Regresa posteriormente e pasa a ser redactor xefe do histórico xornal vigués “Galicia” e despois colaborar  noutros medios.
Á volta da súa segunda etapa na emigración,  incorpórase  ó Comité Autonomista de Vigo, formado  polos antigos membros das Irmandades e foi elixido en 1931 directivo  do equipo presidido por Valetín Paz Andrade. Todo apunta a que formou parte da masonería e a UXT e, sen chegar a militar  no Partido Galeguista,  participou activamente nas campañas a prol do Estatuto do 36.
 
 Iniciada a guerra e pesar das presións da súa dona, Emilia Fernández, para ir a Ribeira, onde poderían ter máis protección por parte de coñecidos da familia, Lustres  negaríase e sería arrestado no seu domicilio a finais do mes de agosto, tras asistir á lectura do bando que declaraba o estado de guerra na cidade olívica.
O xornalista figurou ata catro veces en listas para ser “paseado”, pero librouse en tres delas, grazas seguramente á influencia  do director do xornal vigués. Sería levado primeiro  á prisión que se habilitara no frontón e despois á Illa de San Simón, onde permanecería á espera de xuízo. O 8 de  novembro foi trasladado ó calabozo de Redondela para comparecer ó día seguinte. Na noite do día nove foi trasladado con esa desculpa, en compañía doutros catro detidos; todos eles aparecerían mortos tal dia coma hoxe hai 80 anos. Lustres foi asasinado sen xuízo e sen consello de guerra.
As circunstancias que rodearon a súa morte non están de todo claras, xa que a súa traxectoria política dera un claro xiro moderado nas últimas etapas da súa vida. Os seus restos mortais, despois de ser identificados pola familia, serían enterrados primeiro en Redondela e actualmente descansan no camposanto vigués de Pereiró.
 
Obras
Lustres desenvolveu unha ampla cantidade de escritos, que abranguen desde a súa faceta como autor de teatro, a articulista ou autor de prosa, e incluso chegou a facer unha guía de viaxes polas Rias Baixas co mar como fondo.
Reuniu os seus ensaios na obra “Pandemonium” (1917), publicou un folletín en “La Correspondencia de España” de Madrid: “La Fratricida”. Un dos seus mais destacados traballos foi como dramaturgo, e estreou en Vigo en 1923,  en colaboración con Ramiro F. del Valle,  a comedia en dous actos,“La hora grande”, que se representaría no Teatro Tamberlick. Con Ramón  Fernández Mato estreou a comedia, “Peregrino de la ilusión”. Tamén  publicou en galego diversos artigos en xornais e  revistas como  “ A Nosa Terra”. Lustres recibiría numerosos galardóns e sería considerado mestre de xornalistas. No momento da súa detención era presidente da Asociación da Prensa de Vigo e amais director da “Hoja del Lunes de Vigo”.
 Manuel Lustres quedaría no esquecemento e soamente Ribeira recuperaría a súa traxectoria coa dedicatoria dunha rúa, poñendo o seu nome ó centro cultural e concedéndolle o título de Fillo Predilecto a título póstumo o 5 de decembro de 1986. Lustres segue a ser hoxe o gran descoñecido para o resto do país.

20150822 Reportaxe La Voz de Galicia sobre riveira.eu

La Voz de Galicia dedicounos o sábado unha pequena reportaxe o noso portal www.riveira.eu, como consecuencia tivemos mais de 1.270 visitas nun día o que anima a seguir adiante con este pequeno proxecto. No que vai de verán superamos xa as 17.000 visitas e mais de 600 siareiros no facebook. Grazas a todos polo apoio e seguiremos subnido 2 ou 3 imaxes por semana.
Por certo animaros a participar e facer comentarios ou mandar fotos.

La Voz de Galicia, 20150822

La Voz de Galicia, 20150822

Riveira-150 anos da Igrexa Parroquial

folletoparroquial-page-001

O vindeiro 2014 faranse 150 anos da Consagración do
templo parroquial de Santa Uxía de Riveira. Co gallo
deste aniversario a parroquia vai iniciar diversos actos
que empezarán coa recollida de material fotográfico,
xornalístico e documental referido á parroquia, o pobo e os seus
acontecementos.
Trátase de render homenaxe á vila e ás súas xentes e para iso
necesitamos a colaboración de todos, e facer deste proxecto
unha obra colectiva involucrando a veciños, institucións, organismos,
asociacións e empresas.
A Parroquia fai un chamamento a todos aqueles que posúan
fotos, recortes de prensa, e documentos anteriores a 1990 que
consideren de interese xeral, para que as cedan con este fin, coa
garantía de devolución, o que se fará do seguinte xeito:
1. A recollida de material farase no despacho parroquial de
luns a venres de 12 a 14 horas, entregándose un recibo-xustificante
da súa recepción. Aquelas persoas que non poidan
entregalo poden tamén avisar ben por correo electrónico a
“parroquiasantauxía@riveira.info” ben no número 609 800
950 e pasarase a recoller o material.
2. Posteriormente farase un escaneado das imaxes e documentos,
onde se fará constar o autor, lugar e data de realización e
no seu defecto a persoa que o cede. Deseguido devolverase o
orixinal ó seu propietario.
3. A Parroquia procederá a escoller as mellores fotografías e
documentos, que serán utilizados na exposición que se abrirá
a mediados do ano vindeiro nos salóns parroquais.
4. A Parroquia, en colaboración con entidades que patrocinarán
o proxecto, vai editar un libro-catálogo que recolla as imaxes,
o que permitirá perpetuar a vella Riveira, as súas xentes,
edificios, rúas…etc.
5. Os beneficios da venda do libro catálogo, serán destinados
integramente a fins sociais da parroquia.
 Para máis información:
609 800 950
parroquiasantauxia@riveira.eu
http://www.riveira.eu

 

O aniversario do naufraxio en La Voz de Galicia

O 90 aniversario do naufraxio na illa de Sálvora apareceu hoxe na edición de Riveira das páxinas de La Voz de Galicia:

El 90 aniversario del naufragio de Sálvora deja en las librerías un nuevo tesoro
Xosé María Fernández ha reeditado el libro sobre la historia de la tragedia

Eran muchos los barbanzanos que pedían a gritos la reedición del libro que en 1998 veía la luz y ponía la piel de gallina a todos aquellos que recordaban con la lectura la tragedia del hundimiento del vapor Santa Isabel en la isla de Sálvora. Con motivo del noventa aniversario del suceso, Xosé María Fernández Pazos ha reeditado la obra literaria, que ya puede encontrarse en las librerías de la zona y de las principales ciudades de sus alrededores.
Más fotos y datos históricos actualizados dan al libro todavía más valor. El formato es ahora de bolsillo y, tal y como explica el autor, el contenido es fiel a lo publicado en los noventa. El gallego vuelve a ser el idioma escogido y, en este caso, se presenta un prólogo del que fue presidente de la Real Academia Galega, Xosé Ramón Barreiro. De la corrección lingüística se encargó Luis González Tosar.
Esta reedición cobra una importancia especial para Barbanza. Xosé María Fernández Pazos afirmó que cuando se acabaron los ejemplares de la primera, hace más de una década, fueron muchos los vecinos que llegaron a solicitar en las librerías que se fotocopiara el libro. No en vano, los datos y capítulos históricos que en él se mezclan y que tantas horas de investigación conllevaron son dignos de ser leídos.

Recapitulando

La madrugada en la que el Santa Isabel naufragó perdieron la vida más de 200 personas, lo que hace que el suceso se recuerde como el segundo más cruento de Galicia. El libro muestra que esta cifra pudo ser más alta de no contarse con la ayuda de los vecinos de la isla y de la intervención del segundo oficial Luis Cebreiro. A todos ellos el autor ha querido dar una mención especial en las palabras recogidas y en lo que ya se considera un tesoro narrativo.
Además de sacar a la luz este libro tan esperado, Fernández Pazos ha creado un portal web en el que, además de un documental del naufragio del Santa Isabel, se recogen alrededor de cuatrocientas fotos de Ribeira de su archivo privado, comentadas y contextualizadas en el tiempo. El escritor anima a los vecinos a a aportar instantáneas a esta colección, para lo que deberán enviarlas a la dirección salvora@riveira.eu

Portada de la nueva edición

La nueva edición del libro «Sálvora, memoria dun naufraxio. A traxedia do Santa Isabel», se ha editado a todo color con más de trescientas imágenes repartidas en 212 páginas. Además, incluye en las cubiertas unos desplegables con la imagen del vapor. También en esta ocasión su distribución es limitada, por lo que además de en las librerías el libro puede solicitarse en el correo electrónico salvora@riveira.eu o en el teléfono 630 56 01 65.

Na edición impresa do xornal a nova podía verse do seguinte xeito:

Xa á venda o libro "Sálvora, memoria dun naufraxio"

Despois de varias semanas de retraso debido a problemas técnicos de impresión por fin sae “Sálvora Memoria dun naufraxio. A traxedia do Santa Isabel”.
A obra de 212 páxinas, está editada a todo coor con máis de 300 imaxes e con papel de gramase de 150 gramos e unha grande calidade.O libro incorpora ademais algunhas modificacións e correccións da edición anterior de 1998,  esgotada en apenas dous anos, e inclúe os despregables coas cubertas e o corte do vapor-correo.
Como no caso anterior o tratarse dunha obra de autor, a súa distribución é limitada polo que amais dos lugares onde adquirila que se irán incorporando nesta páxina pode conseguirse mediante o correo “salvora@riveira.eu” ou ben chamando o 630 56 01 65 en horarios de 11 a 14 horas.
Como é lóxico as primeiras librarías que dispoñen de exemplares son en Riveira: Libraría Master en Rúa Galicia, 20 e Libraría Sanyg na Praza do Concello.
En Pobra: libraría Ler na Rúa Paz, 33. En próximos días incorporarnase librarias de Santiago, Noia, Vilagarcía, Cambados, O Grove, A Coruña e Vigo dos que facilitaremos os nomes nesta páxina.

2011 O naufraxio do Santa Isabel no Faro de Vigo

O diario olívico Faro de Vigo, prublica na súa edición de hoxe mércores 2 de marzo unha reportaxe sobre o naufraxio do vapor – correo Santa Isabel afundido hai 90 anos nos baixos da illa de Sálvora. O artigo publica datos da obra “Salvora, memoria dun naufraxio” que a vindeira semana sairá do prelo nunha edición en rústica actualizada.
 A reportaxe do Faro de Vigo publica fotografías inéditas da homenaxe que tributou o pobo de Vigo ás heroínas do naufraxio, imaxes cedidas polo autor da obra Xosé María Fernández Pazos.

© 2017: Riveira na memoria | Easy Theme by: D5 Creation | Powered by: WordPress